منتديات سمو الروح ro7yup
,’، نحن سعداء بتشريفك لمنتدانا
’,، فأهلاً بك عطْراً فوَّاحاً ينثرُ شذاه في كلِّ الأَرجاء ,’،
,’، وأهلاً بك قلماً راقياً وفكراً واعياً نشتاقُ لنزفه ’,،
’,، وكلنا أملٌ بأن تجد هنا ,’،
,’، مايسعدك ويطَيِّب خاطرك ’,،
’,، فِي إنْتظَارِ هطولِ سحابة إبداعك ,’،
,’، نتمنى لَك التوفيق ومزيداً من التوهج ’,،
’,، تَحيّاتِي وَتَقْديرِي ,’،



http://ro7yup.mam9.com/
 
الرئيسيةس .و .جبحـثالتسجيلدخول
’،,أخواني الزوار الكرام. .من يرغب بتسجيل في المنتدى عليه ارسال رساله للبريدي الاكتروني. ro7yup.mam9@hotmail.comوسوف يسجل فورا ,’، ,نرحب بالعضو ررغد,’، المشرفين المجموعات :[ الادارة -ساااهر] [ المدير العام-الماس الحساس ] [مديرة أقسام المنتدى-انين ] [مستشارة االمنتدى -مايهزها الا عزها ] [ مشرفة منتدى المرأة-فديتك] [ مشرفة المنتدى العام-غزل الرحيلي ] [ مشرفة منتدى الاسلام -مستحيل أنساك ] [ مشرف منتدى الأخبار-قاهر الكبار ] [ مشرف منتدى الكمبيوتر والتقنيه-عبدالعزيز ] [ مشرف المنتدى الرياضي- mo7ammad ] [ مشرف المنتدى الأدبي -stop (AL_anze_)Top

<div style="background-color: #e0daf5;"><a href="http://www.rsspump.com/?web_widget/rss_ticker/news_widget" title="News Widget">News Widget</a></div>
المواضيع الأخيرة
» Sixth Arabian conference (governmental organizations administrative development) Effective transformation opportunities Location: Cairo –Egypt Duration: 24:28 December 2017
الأحد أكتوبر 29, 2017 9:15 pm من طرف هويدا الدار

» والدار العربية يسرها دعوتكم للمساهمة والمشاركة في أعمال الفاعليات من خلال تجربة مميزة أو بالحضور والمناقشة، كذلك ترشيح من ترون من كوادر مؤسستكم الموقرة وتمنح الدار العربية مقعدا خامس مجانا في حال ترشيح سيادتكم اربع افراد من مؤسستكم الموقرة. تأكيد المشارك
الخميس أكتوبر 19, 2017 4:54 pm من طرف هويدا الدار

»  تهديكم الدار العربية للتنمية الإدارية اطيب التحيات واصدق الاماني بدوام التوفيق عن المؤتمر العربى السادس: (التطوير الاداري في المؤسسات الحكومية) فرص التحول البناء مقر الأنعقاد : القاهرة – جمهورية مصر العربية مدة الانعقاد : من 24 الى 28 ديسمبر 2017م فندق س
الثلاثاء أكتوبر 17, 2017 5:25 pm من طرف هويدا الدار

» الأوراق المطلوبه والأجراءات اللازمه لتسجيل فى المؤتمر العربى السادس من الأحد الموافق من 24 الى 28 ديسمبر 2017
الأحد أكتوبر 15, 2017 10:08 pm من طرف هويدا الدار

» البرنامج التدريبى :التخطيط المالى وإعداد الموازنات التخطيطية ودورها فى الرقابة وتقييم الأداء القاهرة– أسطنبول
السبت أكتوبر 14, 2017 8:27 pm من طرف هويدا الدار

» الدورة التدريبية الأساليب الحديثة فى تكنولوجيا المعلومات ودورها فى دعم المؤسسات مقر الإنعقاد: ماليزيا موعد الإنعقاد: خلال الفترة من 24 الى 28 نوفمبر 2017 م
الأربعاء أكتوبر 11, 2017 9:55 pm من طرف هويدا الدار

» الدورة التدريبية الحكومة الإلكترونية (الأهمية والأهداف – التطبيقات والأداء ) مقر الإنعقاد: ماليزيا موعد الإنعقاد: خلال الفترة من 24 الى 28 نوفمبر 2017 م
الثلاثاء أكتوبر 10, 2017 8:39 pm من طرف هويدا الدار

» المؤتمر العربى السادس التطوير الإدارى فى المؤسسات الحكومية فرص التحول البناء مقر الأنعقاد : القاهرة – جمهورية مصر العربية مدة الانعقاد : من 24 الى 28 ديسمبر 2017م
السبت سبتمبر 30, 2017 7:30 pm من طرف هويدا الدار

» حضرة السادة المحترميين حفظكم الله الموضوع: دعوة لحضور المؤتمر العربى السادس (التطوير الاداري في المؤسسات الحكومية ) فرص التحول البناء مقر الأنعقاد : القاهرة – جمهورية مصر العربية مدة الانعقاد : من 24 الى 28 ديسمبر 2017م
الأحد سبتمبر 24, 2017 9:50 pm من طرف هويدا الدار

» الدورة التدريبية المراجعة الداخلية (الأسس والتطبيقات ) القاهرة – ماليزيا خلال الفترة من 29 أكتوبر الى 2 نوفمبر 2017 م
السبت سبتمبر 16, 2017 9:40 pm من طرف هويدا الدار

أفضل 10 أعضاء في هذا المنتدى
سااااهر
 
أنيـــــن
 
مايهزها الا عزها
 
مستحيل أنساك
 
كـاشـخـه بـكـشـتـهـا
 
العنيـ~ـدهـ
 
stop (AL_anze_)Top
 
فديتك
 
الوفاء طبعي
 
mo7ammad
 
أفضل 10 أعضاء في هذا الشهر

شاطر | 
 

 لافارقك خلن توده وتغليه اصبر ولابد الليالي تجيبه كامله

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
¶ كــنــت أحــبــك ¶‏
سمو نشيط
سمو نشيط
avatar

الانتساب : 18/06/2012
عدد النقاط : 2131
المشاركات : 92
ذكر
مزاجي : مافيه ازين منه

مُساهمةموضوع: لافارقك خلن توده وتغليه اصبر ولابد الليالي تجيبه كامله    الإثنين يونيو 18, 2012 6:14 pm

رواية : لافارقك خل(ن) توده وتغليه ، إصبر ولابد الليالي تجيبه ..


للكآتبه / رشة مطر ..


كــآملـــه


نبداء بـ البارت الاول


ــــــــــــــــــــــــــــــــــــــــــــــــــ ـــــــ


ــــــــــــــــ


:ــــــــــــــــــــــــــــــــ





بسم الله الرحمن الرحيم ....
في الماضي 0000
ابو سعود: ياااااالله انك تحييه
ابومتعب: المرحب باقي
ابوسعود: شخبارك عساك طيب وراك طولت علينا
ابو متعب : طيب طاب حالك ووالله اني ودي اقعد فالديرة طول عمري بس مثلك عارف اشغال مالها اول من تالي
ابو سعود: العمر يخلص والشغل مايخلص وترى الديرة ابرك لك من المدينة واشغالها الله يكفينا شرها
ابو متعب: صدقت والله انك صدقت ووالله ان الديرة تسوى الف رياض في عيني دام الوالدة فيها
رشا جت تركض و توزت ورى ابوها : بابا شوف فهد يبغى يضربني وياخذ الحلاو حقي


ابو متعب : تعالي ماعليك ماعليك اجلسي جنبي وانا ابوك
ابو سعود : مشالله هاذي بنتك يا عامر
ابو متعب : ايه هاذي بنت ابوها الشاطرة رشاا
رشا تبتسم بحيا طفولي
ابوسعود : مشالله عيالنا كبروا وصرنا حتى مانعرفهم كلة من هالاشغال اللي حتى ماتخلي اهلك يعرفون اهلهم
ابو متعب : اجل وش رايك تدور لي ارض زينه فالديرة ببني لي بيت فيها ووالله اني مارتاح لين اجي هنا ولا اعرف للحياة طعم الا هنا
ابوسعود: ابشر بعزك وانا اخوك والله مانشرح خاطري الا لما قررت هالقرار
ابو متعب: والله انا كبرت وابغى ارتاح من الشقى والعنا مع هالخطوط رايح جاي من الرياض لهنا


ابوسعود : عين العقل وانا اخوك
&&&&&&&
متعب: يالله سعود رح جيب السيارة خلنا نهجول بها شوي


سعود : لا ان درى ابوي بيزعل علي
متعب : ابوي بيزعل اجل قل انك خايف والا ماتعرف تسوق وخلاص
سعود : انا اخاف ؟ امش معي واوريك من اللي يخاف


راح سعود واخذ مفتاح سيارة ابوة من غير مايحس ابوة ولا عمه
سعود: يالله يابو الشباب نشوف من اللي يخاف اركب اركب
متعب بخوف مبطن : يالله وش ورانا


ويطلعون للشارع العام بما ان هم في قريه وصار سعووود يفحط بالسيارة وكل ماشاف وجه متعب اللي خايف ويكابر زاد بالسرعه وصار يلعبها يمين ويسار كنها لعبه مو سيارة
فجأة : سعووووووووووووووووووووود سعوووووووووووووووووودلاااااااااااااااا


سعود ماسك الطارة بكل قوتة ويحاول يسطير ع السيارة بس بسبب انفجار وحدة من الكفرات خلاااااص ماله امل الا انه ينتظر وين بتجي الصدمة فيه


وتجي شاحنة وتصدم بالسيارة من جهة سعووود وتلف السيارة كذا لفة لما استقرت على الحاجزاللي بين الشارعين



بعــــــــــــــــــــــــــــــــد مرور سنــــــ 10 ــــوات



رشاا : يممممممممممممة................يمممممممممممممه


ام متعب : وصمممممة كل هالصراخ على ايش
رشاا : ادورك يمة شفيك علي خخخخخخخخ
ام متعب : مالت عليك يانورة ماعندك الا بنت وحدة وهبلة
رشاا مدت بوزها بدلع : يممممممممه
ام متعب : اخلصي علي وش تبين ماخربك الا هالدلع
رشاا بابتسامة واسعه : بروح لبيت عمي بوفهد
ام متعب بلوم : تراه ابوسعود للحين لا يسمعك ويزعل منك
رشاا : ياميمتي سعود هذا مانعرفه ماعرف الا ان اكبر عيال عمي فهد
ام متعب : اجل لابغيتي عمك يزعل منك والا متعب عيدي هالكلام وروحة مافيه
رشاا : خلاص والله خلاص بس ابي اروح تفلت العافيه وانا بين ذا الجدران لو ان عندي اخت كان تلقيني ماطامر هنا وهناك
ام متعب : خلاص روحي ولاعاد ابي طاري الكلام اللي قلتيه قبل شوي وكلمتي ماعيدها
رشاا : انشالله يام رشاا
ام متعب : لا حووول ولاقوة الا بالله حتى انا بتغيريني
رشاا : ايآم سوري مام سي يو
ام متعب : حمدلله والشكر لوت لي لسانها روحي روحي لا اهون بس



جالس بغرفته مثل عادته من عشر سنين كل ماجاء ينام والا يصحى لازم يفتح هالدفتر
(000 دج وفلها وربك يحلها 00 جريح الضماير 00)


(00 طنش تعش تنتعش 00 ملك الطارة 00 )


فتح آخر الدفتر وتناثرت منه الصور وشاف اول صورة ثنين عمرهم ماتجاوز الـ 11 واقفين وقفه مرة مضحكة ومستعدين للتصوير رغم اشكالهم اللي الله اعلم بها من الشعر الى الاقدام الحافية


صورة ثانيه تسقط بين يدينه ويحس روحة بتطلع كل ماناظرها يحس بصاحب الصورة جنبه وحواليه يحسة عايش معه
اثنين في عمر المراهقة في عمر الـ 17 سنه شوراب خفيييييفه جدا وشماغ احمر قديييم نوعا ما ومرسمين بالشمغ وناسين يصكون الزراير حقت الثوووب
تنهد متعب من داخل داخل قلبه هالصورة بالذات مايدري شيصير فيه لا شافها هاذي اخر صورة لمتعب معه في آخر لحظة قبل مايفترقون بربع ساعه
وتمر صورة ورى صورة توقيع ورى توقيع وعبارات واشعار ماله اول من آخر وكلها لها حيزكبير في اعماق متعب اللي الى اليوم وهو ماينسى ولا لحظة مرت عليه قبل عشر سنين ويتذكر تفاصيل الموقف بحذافيرة
وكل يوم يقرا مثل هالعبارات وبعض التواقيع والالقاب اللي لها من خاطره حيز كبير وتعيشة بعالم الماضي وتاخذة من الحاضر باللي فيه وكل مرة يفتح هالدفتر يحس انه اول مرة يفتحه يحس انه يرجع عشر سنيين ورى يحس باحساس الغربه وسط اهله يحس بروح سعود حوله كلن يقول سعود مات بس هو يقول لاااااا والف لاااا سعود حي سعود بيرجع يوم من الايام ويقول يالله يامتعب يالله ياملك الطارة نهجول بيجي اليوووم اللي يجيه سعود ويقول من تحب يامتعب تراني ادري منهي بس علمني انت .... ومتعب ينتظر هاليوم من عشر سنين وطالت المدة ومل الصبر منه



قطع على متعب اجمل لحظات ممكن تمر عليه خلال يومة كامل صوت طق الباب
متعب : حياك يمة
رجع الباب ينطق مرة ثانيه استغرب متعب من هاللي مصر يقوم يفتحلة الباب .... قام متعب يفتح الباب .. وفتح الباب الا يشوف رشاا قدامة وراسمة على وجهها اكبر ابتسااااااامة ممكن يشوفها متعب بحياته
متعب: اهلا انسة رشاا من متى الذوق والاخلاق العادة الغرف ماعندك لها ابواب
رشاا بدلع : افاا عليك ياميتو ياحبيبي انا منذو مبطي وانا اعرف الذوق
متعب : من الاخر وش عندك حفظت حركاتك عن ظهر قلب
رشاا بصدق وطفش في نفس الوقت : تبي الصدق ماجيت لك الا عشان توديني بيت عمي وترى ان قلت لا بطب من سطح البيت وانتحر من الطفش تراني قلت لك قبل ماتقول لا
متعب بلؤم : طبي تبيني اساعدك ؟!
رشاا : لا اخاااف امووووت .....
متعب : لا .. لا ماتموتين انتي قطو بسبع ارواح
رشاا بدلعها الطفولي كالعادة : بسم الله علي ... اقول ترى عطيتك فيس يالله ودني
متعب : انتي صاحية ناظري الساعة كم العالم بتنام وانتي بتسيرين
رشااا : ميتوا يالله عااااااد كل البنات متجمعات هناك
متعب وهو ينهي النقاش : قولي لسيف يوديك ... ويسكر الباب بوجهها منهي النقاش
رشاا .. بينها وبين نفسها ... والله مالي الا ادقها كعابي لبيت عمي ... بس بالليل اخااااف اروح لسيفوة اصرف لي


ام متعب = نورة امراة كبيرة نوعا ما فالسن تحب اولادها ومرة طيبة عموما بس شخصيتها قوييييييه مرررة
ابو متعب : عامر رجل جرب من الدنيا كثير حكييييييم وصبووووور جدا
متعب : اكبر الاولاد عمرة (27) يشتغل بالرياض ويجي متى مابغى للقرية عند اهلة يعني يومين يقعد بالرياض ويومين بالقريه وهكذا شخصيتة غامضة جدا صعب تعرف اللي في باله اخذ الصبر والحلم من ابوة مانقدر نقول انه حلو او وسيم نقدر نقول ملامحة رجولية


سيف : ثاني واحد بالترتيب لعيال ابو متعب عمرة (23) سنه توه متخرج شخصية مرررررحة جدا ملامحة اقرب للبراءة يعني ملامحة جدا طفوليه وهذا الشي يضايقه لان اغلب اللي يشوفونه يقولون صغير


رشاا : البنت الوحيدة وملح البيت مسويه ضجة وصوت للبيت عمرها (19 ) سنه شعارها الدائم والمعروف بين البنات ( بلا حب بلا وجع قلب ) ملامحة يطلق عليها الجمال الانثوي يعني جمال هادي بتفاصيله جمال ناعم وليس جمال صااارخ وحاد


نجلاء : غلااااااااااااا غلاااااا ياحمارة تعالي ساعديني البنات بيجون اللحين


غلا: ياااااربي كل شي تعالي غلا سويه تعبت كملي الباقي انتي


نجلاء : ابوك يالدلع من اليوم متسدحة ومتبطحة واللحين تعبتي على وش تكفين


غلا: بروح افتح الباب البنات اكيد جو


غلا وهي تفتح الباب تلقى قدامها رشااا : وهـ بس فديت رشااا حياك ياصندليقتي المرجوجة
رشاا وهي تسلم عليها : والله مالمرجوج غيرك ياام صعفق
غلا وهي تمشي مع رشاا لداخل : وجع وشو صعفق ذا لايسمعونك البنات ثم والله مايفكني هاللقب لما اعرس



دخلوا لداخل ورشاا مابعد شالت غطاها تخاف فهد يكون موجود ويطلع في وجهها بالغلط


غلا : اقول رشوو نزلي عباتك لاتخافين بيتنا امان طردنا فهد حبيب القلب
رشاا : اسكتي واللي يرحم والديك قالت ايش قالت حبيب القلب كم مرة اقولك انا مااااحب فهد ماااحبة وشكلي بكرهه بسببك
غلا : رشاا انتي تقولينه صادقة ترى عمي وابوي متفقين وخالصين خلاااص انتي لفهد وفهد لك
رشاا : بالله سكري الموضوع اللحين مالي خلق اتنكد وانا جاية استانس



غلا سكرت على الموضوع وداخلها تقول ياربي كل ماحاولت اقرب بين هالاثنين لو بالتلميح كل واحد مايبي الثاني الله يعين وش بيسوي فهد اذا اجبرة ابوي والا رشاا وش بتسوي الايام جاية ونشوف شو بيصير



ام سعود : مرة طيبة وحبوبه بس هي الان شبه غايبه عن الوعي يجون ويروحون من عندها وهي ماتنطق ولا كلمة بس تناظرهم نظرات محد يفهمها الا ابو سعود


ابو سعود : رجل كبير وهو اخو ابو متعب واكبر منه له بالحياة تجارب كثيرة شاف من الدنيا اللي ماشافه غيرة


فهد : الابن الثاني لابو سعود عمرة ( 23 ) سنه مع سيف في كل شي بالدراسة بالهبال بالروحة والجية مع سيف شخصيتة مرحة لكنه متهور نوعا ما حنون جدا وخصوصا على امه ملامحة يطلق عليهااا وسيييييم جدا


نجلا : البنت الاولى وعمرها (21) سنه حبوبة وطيوبه ملامحها حادة جدا وجمالها طبيعي يطلق عليها كلمة مملوحة سمرا وعيونها عسليه لولد عمها متعب وهي تحبه بس الى الان ماتزوجت وكل ماجابوا طاري لمتعب اجل الموضوع لاشعار آخر دون معرفة السبب وهذا هو الشي اللي متعبها


غلا: آخر العنقود عمرها (19) سنه التوأم الروحي لرشاا تحب تخطط وتجمع القلوب بطريقتها الخاصة مسمينها حلالة المشاكل تشبة لرشاا بس الفرق بينها وبين رشاا ان غلا جمالها حاد وصارخ ويطلق عليها كلمة ملكة جماااااااال





سطام : شوق حلي عن سماي فيه احد يسير هالحزة الساعة تسع وانتي تبين تروحين
شوق بعربجة : ياليييييييييييييييييل القلق اقولك هم عازميني كل البنات وصلوا الا انا
سطام : منهم كل البنات تكفين مافيه الارشااا والباقين نجلا وغلا وانتم معزومين عندهم
شوق : هذا انت قلتها معزوووووومين يالله هز طولك يابطل وودني
سطام : اصغر بزارينك انا تقولين لي يابطل
شوق : خلاص تووووبه بس يالله عاد قوم
سطام : اقوم وامري لله كم عندي من شوق انا وحدة وبالشتني
شوق : بالشتك بالشتك بس انت توديني بعدين ترى كل هالتجمع عشان حضرة جانبك يعني ملزوم توديني
سطام : وليه عشاني لايكون ناوين علي نيه عاد انتم يالبنات لاتجمعتوا تهدون ديرة
شوق : لاياذكي عشان عرسك من بيساعدنا فيه غير بنات عمي
سطام : مشينا بس مشينا لا تاخريني زود
شوق: اوكي بروح انادي فجورة



أم سطام : حرمة مو كبيرة ولاصغيرة بس فيها الغرور نوعا ما على حمواتها
ابو سطام : اصغر اخوانه طيب وحبوب ومرح وشخصيته شبابيه اكثر
سطام : الولد الاكبر والوحيد عمره (24) سنه ضابط كبير وله رتبة عاليه رغم صغر سنه شخصيته حلوة واضح ومفهوووم للي قدامة يموت على بنت خاله وزواجة قريب........ قريب من الكل مالة خصومات مع احد شكلة هييييييبه ولة حضور وطلة قويه وسطام ماقول عنه وسيم ولا مملوح ولا جذاااب سطااام يطلق عليييه مزيووووووون


فجر : بنت هاديه وهي اثقل البنات عشان كذا جدتها تغليها من بين احفادها عمرها (21) سنه حليووه يعني لها غمازات وهذا اللي محليها زود


شوق : اخر العنقود عمرها من عمر غلا ورشا (19) سنه على الرغم الدلع اللي جاها من ابوها وامها واخوها بعد الا ان فيها من العربجة حبوبة حيل واهم شي عندها محد يزعل منها جمالها طفولي وهادي اقرب لجمال الشاميات






تركي : هلا وعليكم السلام
......... : .............................................
تركي : طيب طاب حالك انت علومك وعلوم اللي قلت لك عليه
....... : ....................................
تركي : يعني مااااالي امل ولا احلم بيوم من الاياااام
....... : .................................................. .
تركي : وين اتفاءل وكل شي مايبشر كل ماقلت هانت طلعت لي العوايق
....... : ...........................................
تركي : ونعم بالله توكلت علي اللي مايخيب رجاء من دعاه
.......... : ...................................
تركي : على خير انشالله واسمحلي تعبتك معي واي خبر جديد لا تاخر علي فيه
............... : ....................................
تركي : فمان الكريم



الرجوع الى أعلى الصفحة اذهب الى الأسفل
عاشق الاتحاد
سمو نشيط
سمو نشيط


الانتساب : 10/08/2011
عدد النقاط : 2476
المشاركات : 157

مُساهمةموضوع: رد: لافارقك خلن توده وتغليه اصبر ولابد الليالي تجيبه كامله    الإثنين يونيو 18, 2012 6:18 pm
































مشكوووورعلى البارت



الرجوع الى أعلى الصفحة اذهب الى الأسفل
stop (AL_anze_)Top
مشرف المنتدى الأدبي
مشرف المنتدى الأدبي
avatar

الانتساب : 15/02/2012
عدد النقاط : 3088
المشاركات : 677

مُساهمةموضوع: رد: لافارقك خلن توده وتغليه اصبر ولابد الليالي تجيبه كامله    الإثنين يونيو 18, 2012 6:26 pm















خطيرهُ
خطيرةً
الروآيه
تسلم
ايديك
يعافيك ربي على الاجتهاد








______________________________________________
لست مجبرا أن افهم جميع العقول ولكننى استطيع التعامل معها
الرجوع الى أعلى الصفحة اذهب الى الأسفل
¶ كــنــت أحــبــك ¶‏
سمو نشيط
سمو نشيط
avatar

الانتساب : 18/06/2012
عدد النقاط : 2131
المشاركات : 92
ذكر
مزاجي : مافيه ازين منه

مُساهمةموضوع: رد: لافارقك خلن توده وتغليه اصبر ولابد الليالي تجيبه كامله    الإثنين يونيو 18, 2012 6:37 pm

تـــآبـــعٍ.....~



سكر تركي الجوال وسرح بعييييييييد بعيييييييييد
ياربي لمتى هالحال لاني عارف من انا ولاني عارف من وين جيت عشر سنين الم عشر سنين لوعه وحرمان عشر سنين قهرررر وغربة وانا وسط ديرتي مل الصبر مني وانا مامليت ياربي انا مااعترض بس عفوك ورحمتك يااااااربي ترزقني الصبر والسلوان
ياترى لو عندي اهل وينهم عني ماسالوا اذا انا فقدت الذاكرة هم بيدوروني ولا انا مالي اهل
والله مادري انا ولد حمايل والا ولد ..... اعوذ بالله بس مالي الا ربي مالي الا ربي



بندر : ترررررررررررررررررررررررررررررركي
تركي : وجع فجررررت اذني جنبك تراني
بندر : جنبي بجسمك بس ناديتك خمس مرااات حسبت انك انصمخت
تركي : لا معك اخلص وش عندك
بندر : ابوك يالاخلاق بيعنا بالسووووق وانا اخوك
تركي : غاااااالي يابندر غااالي
بندر : منهو الغالي انا والا السوووق خخخخخخ
تركي: الله يرجك يااااشييييخ قم قم بس شف لي طريق داااايخ نوم وبكرة ورانا شغل لليل وفوق كل هذا وذاك زحمة شوارع كن اهل الرياض كلهم في ذاك الوقت طالعين
بندر : ياغالي والطلب رخيص اما عن الزحمممة ابشر بدورلك حل واصنع لك سيارة تمشي بالجوو عشان توصل بدون زحمممة خخخخخخخخخخخخخخخخخخخ


بندر وهو ماشي داخل الحوووش : ياااااااااااااااولد ياااااولد
ام بندر : حيااااااااااك يابندر ادخل انت وتركي ماحولك احد


بندر : تررررررررررركي
تركي : هااااااااااااااه
بندر : رجعت وسرحت ودي ادري من ذا اللي كل مايدق عليك تمسك لي خطوووط وتسرح
تركي عطاه نظرة مبهمة
بندر وهو يطق تركي بكوووعه وهم يمشون داااخل: هااااه منهي هالبنت علمني وانا ماعلم احد قسم
تركي وهو يعطيه هالمرة نظرة قويه : استتتتتح على وجهك فاضي لـــ حركات انا
بندر : وراك اليوم نارن شابه مزووووح ياخوي
تركي وهو حس انه زودها مع بندر اليوم وحط حررررتة فيه : لاتواخذني يابندر من اللي فيني والله
بندر بابتساااامة عبيطة : يعني بتعلمني منهي ؟
تركي : اقووووول انقللللللع مناك بس عطيتك وجه والله
بندر : هههههههههههههههههههههههههااااااى



ابو بندر : رجااال كبير بالعمر شهم وكرييييم ينحط على اليمنى تاااااااجر كبير ومعروف يحب عياله حيييييل ويحب الخير للناس باختصاااار رجل معطااااء بس عيبه الوحيييد عصبي ومتهووور ولا يندم الا بعد فوات الاوان
ام بندر : حررررمة كبيرة وحنونه على عيالها وعلى غير عيالها مربية عيالها على الخير وفعلة ماتحب حركات هالجيل ومياعته على قولتها
بندر : الابن الاكبر عمرة (28 ) سنه يشتغل مع ابوه بالشركة وماسكها من الالف الى الياء مملوح اكثر من انه وسيم مرررح ومايحب يزعل احد منه تركي اخوه اللي ماجابته امة مايرضى على تركي شي واللي يزعل تركي يزعله


سعد : الابن الثاني عمره (25) سنه غيووووور حيييييييل وحقووووود انذل مخلوقات الله بس الجمال من الله والله عطاه من الجمال اللي ماعطاه غيرة جماله جمال اترااااك


العنود : بنت حبوبه وطيوبه طالعه على امها في كل شي عمرها ( 23) معلمة دين عشان كذا هي مدينه وتخاف الله في كل امورها ماعطاها الله من الجمال اللي عطاه اخوانها بس عليهاااا ابتسامة عذبه وجذااابه


نجود : اصغر من العنود عمرها (19 ) سنه متهوووورة وعنيدة مايهمها احد حتى اخوانها تنجرف ورى أي احد جميلة بس بحدووود تدرس بالجامعه





شوق : وهي تفتح باب السياره بتنزل : تمرنا عشااان ترجعني طيب
سطاام : لا والله في هاذي مقدر ماشي للرياض اللحين انا
شوق : قل قسم والله ماتخليك امي بعدين صعبة تمسك خط في ذا الليل
سطاام : انتي اطلعي منها وهي سالمة لاتعلمين امي وهي ماتدري وانا اذا وصلت بدق عليها
شوق : اجل مالنا الا رشاا ترجعنا معها


شوق تتصل على جوال غلا وهي تدخل البيت
شوق : هلا غلا انا وفجر دخلنا بيتكم اللحين
غلا : اخذي راحتك محد حولك ترانا فالحديقة اللي ورى البيت اوكي
شوق : اوكي
فجر : وينهم ؟
شوق : بالحديقة اللي ورى البيت
فجر : اجل بروحلهم
شوق : لا اماااااانه بعدل شكلي ونروح
فجر : دام مافيه احد بالبيت ادخلي وعدلي شكلك والحقيني
شوق : اوكي
شوق تدخل جوا البيت عشان تشيك على شكلها واقفه قدام المراية وتغني بصوت واطي وتزبط الوردة اللي على طرف شعرها


( عمي يابياع الورد ... اامم امم عمي يابياع الورد قلي الورد منين قلي .. ااامم اااممم ) وتدندن بينها وبين نفسها
خلصت لفت بتطلع الا تشوووف ذا المسبه اللي واقف قدامها وفاتح عيونه وخشته


فهد : مساء الخيرات كيفيك؟<<<يتكلم شامي يحسبها سوريه
شوق تنحاش واقرب غرفة عندها تدخلها


فهد بينه وبين نفسة ياحليلها ذا السوريه تعرف حركات الستر وتنحاش بعد اكيد ماخذه طبايع بنات عمي بس برضوو حلووووووة وصاااااروخ من قلب



شوق تنتفض وهي تدق على غلاا وتحلطم طيب يافهيدان يعني لو اني سوريه بتطقها حنك معي والله لا اعلم رشاا تربيك
شوق: الووووووووو
غلا : بسم الله شفيك يابنت ابي اذوني ترى
شوق : ياجعلك للي مانيب قايلة اجل مافيه احد حولي تعالي شوفيلي طريق لاشوفلك حل مستعجل يفك الدنيا منك
غلا : خخخخخخخخ طيب طيب يام حل جايه




سطام وهو على مدخل الرياض يشوووف ذيك السيارة اللي تترنح يمين ويسار كأن صاحبها سكراان حاول ياشر له يكبس له بدووون فايدة مالت لما صدمت الحاجز اللي بين الشارعين
سطام عرف ان صاحبها نايم صفط على طول وراه


ركض للسيارة لقى فيها شااااب بعمر الزهووور طااايح والدم مغطي وجهه بالكامل مسكة مع اكتافه حاول يسحبه الرجال ثقيل مررررة علييييه
حاااول بكل قوووة يملكها وعطاه ربي ذيك اللحظة قوة فوق قوته مدري من الخوف او الربكة او الموقف اللي صاير
ركبه معه بسيارته وعلى اول مستشفى بطريقه وبلغ الشرطة طبعا



في نفس الوقت عند البنات انووووواع الرقص والاستهبال وشوق تسرررح شوي وترجع للبنات وهم ملاحظين هالشي وهي تحاول تصرف كل ماسالوها
نجلا : شواقه جد شفيك من قعدتي معنا بالك مو معنا
شوق : والله ماشاغل بالي غير زواج سطام وانتم عارفين انه بعد يومين مدري شلون بيصير
رشاا : صح الله يعينا على دوووخة الرياض ليتنا حاطين العرس هنا فالديرة
غلا : لا حرااام عليك وتتبهذل العروسة .. بس والله يانا بفلهااا رقص بردح لين الفجر
فجر : ايه عاد انتي من اللي بيجاريك بالرقص بس والله فللللله ماقد جاء عندنا عرس لعيالنا هذا اول عزوبي بالعايلة يتزوج
رشاا : ايه والله صادقه رغم ان المفروض اول من يعرس متعب لانه اكبر واحد ودامه رافض خلاص اهو عرس والسلام لو نزوج غلاا هههههههههههههههههههههاااااى
غلا : لا ياشيخة مخلية العرس لك وتشوفين ان ماشيشت فهد عليك
نجلا وهي تكابر على الجرح اللي سببته لها رشاا بدون قصد : ايه مزديه فيها ياغلا ههههههههههه
رشاا : استريحي انتي وياها بالله
فجر : احلىىى ياللي تستحي ههههههههههههههههههههه


شوق التزمت الصمت وكان احد قالها حدك لهنا وخلاص لاتفكرين بسراب اكثر من كذا انتي اوهمتي نفسك


( ملحوظة ترى محد يدري من البنات ان رشا ماتبي فهد وفهد مايبيها الا غلاا عشان كذا فسروا رد رشاا عليهم بالحيا )
واستمرت ليلتهم ضحك وتخطيط على العرس ووناسة وفرفشة ولااحد يدري وش الايام مخبية له





سيف وفهد هم قاعدين قدام البيوت على بعض الجبال الصغيره


سيف : وش اخر التجهيزات لشباب قبل عرس سطام
فهد وهو شبه سارح : والله مدري عن احد المهم ان احنا متى نروح للرياض وماباقي الا يومين على العرس
سيف : ايه والله صدقت الله يعين بس على الرياض وشوارعها والله ان اخلاقي تقفل مجرد مامشي في زحمة شوارعها
فهد : عاد وش نسوي ماحنا مسحبين اهل العروسة للديرة ونقولهم بنحط عرس ولدنا عندنا
سيف : ايه والله صدقت
فهد : الا اقول ياسيف الا متعب ماوراه عرررس ياخي احس انه عنس خخخخخخخخ
سيف : متعب ذا ماتدري وش وراه كل ماحد طراله العرس قال أجلوه وقتن ثاني حير ابوي وحيرنا معه
فهد اخذته الحميه على اخته : كان الرجال مايبي البنت ترانا مانرمي اختي عليه خله يقول وابشر من يفكة من عمي وابوي بس الشي اللي قاعد يصير هذا مو معقول
سيف : لا وانا اخوك ماهو القصد ولو انه مايبيها تراني مارضى على نجلا بعد وانا اول من بيوقف هالمهزله
فهد : اجل وش وراه اخوك لهدرجة مرخص اختي
سيف : لا والله يافهد بالعكس كل ماقاله ابوي بنمشي نصيب البنت تراه ماهو واقف عليك قال ان زوجتوها غيري ماني ماخذ غيرها حتى لو اقعد طول عمري عزوبي ولاقلنا اجل اعرس قال سكروا على الموضوع اللحين
فهد بقهر مبطن : والله مايندرى وش ورى اخوك
سيف التزم الصمت كالعادة ماينفتح هالموضوع في أي مجلس لو بين اثنين الا يكهرب الجوو والى الان مو راضي متعب يبت بالموضوع او يرسيهم على بر والمتضرر الاول والخير فالموضوع هي نجــــــــــــــــــــلا


بعد مارجع فهد من عند سيف للبيت رجع وهو متضايق او زعلان او عتبان مايدري بس اللي يعرفه ان موضوع متعب ونجلا شاغله


الجدة : ياااااافهد ياااافهد اقرب جاي وانا امك
فهد : هلا والله يمة علومتس يالغاليه عسى ماتونسين شي
الجدة : الحمدلله يمك بخير وسهااااله
فهد : ماهو من عادتس يمه تسهرين لهالوقت وش مشغلتس
الجدة : مشغلني اللي هاد حيل امك مشغلني الغايب مشغلني اللي ماراح عن بالي من عشر سنين
فهد كالعادة عند طاري هالموضوع يلتزم الصمت مايدري وش يربط لسانه انسحب بهدوء وراح لغرفته يريح ويفكر باحداث يومة فجأة طرت على باله السوريه على قولته قال بينه وبين نفسة خبل انا اللحين الديرة من اللي فيها سوري لااا وبعد توي استوعب وانا كنت مستعد اطق مع البنت حنك
كنة تذكر شي صحححح صححح اليوم بنات عمي بيجون عندنا منهي هاذي ياترى منهم فجر والا رشاا والا شوووق اسال عنها البنات وبعرف وكمل ليله على التفكير




نرجع لسطام بالمستشفى 0000000


سطام منلحس وبلشان مع الشاب اللي مسوي حادث وكأنه واحد من اهلة او ربعه
رايح جاي قدام غرفة العمليات ويدعي ربه مايجيه شي وكل همة انه توه ولد في عز الشباب طلع الدكتور هرول له سطام قال هاه بشر يادكتور
الدكتور : انت اخوه
سطام : لا يادكتور
الدكتور : ايش يقربلك المريض ؟
سطام : مااعرفه ولايعرفني بس انا اللي جايبه بعد ماسوى الحادث
الدكتور : طيب وين اهله أي واحد فيهم احنا محتاجين له نقل دم عشان نقدر نساعدة ومثلك عارف الولد انقطعت رجلة بالحادث ومالقى الاسعاف السليم حتى نقدر نرجعله رجله
سطاام : انا موجود يادكتور
الدكتور : فصيلته نادرة جدا فصيلته o
سطام يبتسم على خفيف وكنه شاف الفرج : انا فصيلتي o يادكتور
االدكتور : طيب يالله امش معي عشان نسوي فحوصات سريعه لدمك ونتاكد سلامتك من الامراض
سطااام : يالله قدااام




نجود : اقولك العنود اللحين هذا تركي وين اهله عنه يعني معقوله طول هالعشر سنين وهو فاقد الذاكرة ولا احد سال عنه او دورة
العنود : الله اعلم بحاله وحالهم مايندرى هم وش قصتهم بعد او ليش ماسألوا عنه يمكن ماتوا كلهم معه بالحادث ويمكن انه ضاع منهم ويمكن ويمكن ويمكن الاحتمالات كثيير والحلول صعبه
نجود : ويمكن يكون بدون اصل
العنود : نجود لا تحطين بذمتك
نجود : انا ماحط بذمتي انا افترض فقط لاغير
العنود : ولو افترضي النيه الحسنه
نجود : تصدقين مرات اني ارحمة لو انه انا ولي عشر سنين فاقد الذاكرة ومدري من انا كان من زمااان منتحرة
العنود : هذا يسمى ضعف ايمان اللي عندك اما تركي له الله صابر ومحتسب وسلاحة سهام الليل اللي ماتخطي ماقول غير الله يكشف ضرة ويهدي سره
نجود : امين




سعد : ياخي تركي ذا فاقع مرارتي مسويلي شريف مكة وهو اخس خلق الله لا وبعد ابوي مايشوف فيه شي حتى امي واخواني كنه الملاك الطاهر
سالم صديق سعد : هد اعصابك انت وابشر من اللي يطفشة لك
سعد يضحك ياستهزاء : لعبناها يابابا وذاللوح ياجبل مايهزك ريح
سالم يضحك بخبث : هذا انت ياسعد ازهل هالمهمة علي وابشر باللي يطفشة عاجلا غير آجل
سعد بنظرة استحقار : نشوف وش اللي بيطلع منك
سالم : بس ماقلت لي وش لي بذالصفقة كلها
سعد : تفكيرك واطي واستغلالي وابتسم بحقارة وكمل بس ابشر باللي يعطيك لين يرضيك هههههههههههههههااااى
سالم : كفووو ياسنايدي هههههههههههههههاااى


وتعالت اصوات ضحكهم الحقيرة والمليانه دناءة وخسه



سطام يناظر الورقه مو مصدق اللي يقراه معقووووله لا لا وشو ذا
طلع من المستشفى صاكة فيه الدنيا وضايقة فيه الوسيعه باربع جهاتها اول ماركب السيارة مافكر الا بشي واحد وهو يمسك خط الديرة مايدري شلون ركب السيارة والا شلون ساقها والا شلون وصل
نزل من السيارة ودخل البيت بملامح جامدة او غامضة
لقى امة وابوة قاعدين بالصاله القى السلام : السلام عليكم


ردوا :وعليكم السلام


ام سطام : من وين جاي يمه
سطام : مشوار قريب هنا كنت مع العيال
دخلوا شوق وفجر البيت وطلعت فجر على طول لغرفتها
شوق وهي داخلة عليهم واول ماشافت سطاام شههههههقت : سطاموه وين اللي بيروح للرياض ومايقدر يرجعني
ام سطام : عيب يابنت كلمي اخوك بادب
سطام ملتزم الصمت وهذا اللي اثار استغراب شووق
ابو سطام : سطام ياوليدي تونس شي
سطام وهموم الدنيا كلها فوق راسه ( وش اللي ماهو فيني يبه ) : سلامتك راسك يبه مابي الا عافية ربي


طلعت شوق لغرفتها وبدا سطام ينطق بالكلام اللي ماتوقع انه بيوم يقوله ولا توقعوه منه اهله
سطام : يمه يبه بقولكم اللي عندي ورجاء محدن يعارضني باللي ابيه ولا احد يزعل
انا قررت انسحب من الزواج انا مابي عهد


ام سطام وابو سطام نزل عليهم الخبر كالصااااااااااعقه
وش قاعد يخربط عليهم ولدهم والا وش قاعد يهبب
ام سطام : تبي تفضحني فاختي ياولد تبي تنزل راسي تبي العالم تتشمت في عهد
ابو سطام : وش اللي صابك ياسطام هذا هرج تقوله اللحين قبل العرس بيومين وينك عنه يوم حنا على البر
سطام : اللي عندي قلته وغيرة ماعندي عرس وماني معرس وعهد وماني ماخذها
ابو سطام : كبر راسك علي ياسطام وقمت ترادد وترفع صوتك عرس وبتعرس وبنت خالتك وبتاخذها وان صار غير هالكلام بيتي يتعذرك ولا انت ولدي ولا اعرفك


سطام انصدددددددم ماتوقع ردة فعل اهلة بتكون كذا لهدرجة قويه ماكان منه الا انه ينسحب من المكان بهدوءويقرر انه ينفذ كلام ابوة بس بعدها بيعرف يتصرف



انتهى البارت ...

الرجوع الى أعلى الصفحة اذهب الى الأسفل
ربيع الحياة
سمو نشيط
سمو نشيط
avatar

الانتساب : 13/06/2012
عدد النقاط : 2466
المشاركات : 326
مزاجي : حسب الجووو

مُساهمةموضوع: رد: لافارقك خلن توده وتغليه اصبر ولابد الليالي تجيبه كامله    الثلاثاء يونيو 19, 2012 1:00 am

يسلموووو روعه البارت
الرجوع الى أعلى الصفحة اذهب الى الأسفل
مايهزها الا عزها
مستشارة المنتدى
مستشارة المنتدى
avatar

الانتساب : 08/05/2011
عدد النقاط : 6630
المشاركات : 1613
العمر : 23
انثى
مزاجي : رووعة

مُساهمةموضوع: رد: لافارقك خلن توده وتغليه اصبر ولابد الليالي تجيبه كامله    الثلاثاء يونيو 19, 2012 5:14 am

ششكل الروااية ححلووه
اول ماخلص من الرواية اللي بيددي باذن الله بابداا فيها
اهم شي محد يمووت بالنهاييةة <<اوم القهرر
رووعةة ككنت اححببك
بانتظظار جدييدك

______________________________________________




                              لاآ تعدد لي عيـوبي ؛ هذي آنـا وهذي أرض الله وسيعهہ
الرجوع الى أعلى الصفحة اذهب الى الأسفل
????
زائر
avatar


مُساهمةموضوع: رد: لافارقك خلن توده وتغليه اصبر ولابد الليالي تجيبه كامله    الثلاثاء يونيو 19, 2012 5:53 am

رروروعه
تسلم الانامل
الرجوع الى أعلى الصفحة اذهب الى الأسفل
مااااجد
سمو نشيط
سمو نشيط


الانتساب : 25/05/2012
عدد النقاط : 2184
المشاركات : 155

مُساهمةموضوع: رد: لافارقك خلن توده وتغليه اصبر ولابد الليالي تجيبه كامله    الثلاثاء يونيو 19, 2012 7:40 am

يعطيكـ العافيه
انتظر جديدكـ
لكـ خالص احترامي
الرجوع الى أعلى الصفحة اذهب الى الأسفل
¶ كــنــت أحــبــك ¶‏
سمو نشيط
سمو نشيط
avatar

الانتساب : 18/06/2012
عدد النقاط : 2131
المشاركات : 92
ذكر
مزاجي : مافيه ازين منه

مُساهمةموضوع: رد: لافارقك خلن توده وتغليه اصبر ولابد الليالي تجيبه كامله    الثلاثاء يونيو 19, 2012 2:39 pm

الـــبارت الثـــــــــــــاني ........ cheers

تركي : بندررررر يااااااابندر الله يغثك قم ترى ابوك بيزعل علينا ان تاخرنا عليه
بندر : امممممممم <<< في سابع نوووومة مو حاس باللي حولة
تركي يفكر وبنذاااااله قرر ونفذ بسرعه
راح تركي وفتح الثلاجه الصغيرة اللي بالغرفة وطلع المويه البااااااااردة
تركي بصررررراخ : بندررررر بندرررر الحق الحق
بندر الضعيف يفز من الروعه : هاه وشو وش صاير
مامداه يكمل كلامة لان المويه الباردة انكبت عليه مثل البرق وبنفس السرررعه طلع تركي من الغرفة
بندر : الله يقرفك ياااااشيخ انت وحركات البزارين هاذي انا اوريك يالدلخ
تركي برى الغررفة فاطس ضحك و متوهق مايدري شلون ينزل من اللي بياخذ له طريق قرر اهو بنفسه
تركي : يااااااااوولد يااااااولد
ام بندر : اقرب اقرب ياولدي ماحولك احد
تركي في هاللحظة استحى ان هو اللي خذا الطريق بنفسة وبعد استحى من هالحرمة الطيبه

نجووووود وهي تسكر باب الغررررفة : وااااااي واااااااي ياحلاته يالعنووود يحلااااته وهو ميت ضحك
العنود : بنت عيب عليك غضي البصر هذا وانتي بنت شايفة ولد اجل شلون لو العكس
نجود بحماس : العنود بالله شوفية واحكمي اقسسسم انه يطيح الطير من السماء
العنود بعقل : غضي البصر يابنت والله لو يسمعك بندر والا سعد ليذبحونك
نجود : ايه عاد سعد احس انه يدور الشارة على تركي مدري ليه اخوك ذا حقووووود
العنود : يااااااااربي من هالبنت وانتي ياتقزين ياتحشين بخلق الله
نجود : خخخخخ كيفي
العنود : حمدلله والشكر على نعمة العقل بس
نجود : مااااالت عليك انا رايحة الجامعه



ام بندر ببرقعها وجلالها : اقرب ياتركي حياك تعال افطر وانا امك
تركي : مشكورة ياخالة مستعجل والله
بندر وهو نازل : خلية يمة انا عندي شغل معه ضروري لاااازم اخلصة
تركي وهو شبه يبتسم : مثل ماقالك ياخاله استأذن انا
ويطلع بسرررررعه
بندر : ايه انحااااش بس وراك وراك انا هههههههههههههااااااى


( للمعلوميه ترى تركي ساكن بالملحق غرفه وصالة ودورة مياة ومطبخ تحضيري بس بما انه تحت الصيانة اللحين اضطر انه يسكن مع بندر في غرفتة عشان كذا يروح اول النهار ولا يرجع الا فالليل مايبي يحرجهم وهالوضع مو عاجبة انه يكون معهم بوسط البيت ولاهو عاجب سعد بعد )




شوق : ايه والله مثل ماقولك انا سامعته بأذوني
غلا : ادري بأذونك اجل بعيونك ؟! بس توقعين ليه سطام قال الكلام هذا وبالتوقيت هذا بالذات
شوق : علمي علمك بس والله اني خايفة مدري وش قرر سطاموه الخبل اخاف يعصي ابوي ويصير شي ماحسبنا حسابه
غلا : ماقول غير الله يستر بس ويمرر هالعرس على خير عهد بنت حلال ماتستاهل اخوك مع احترامي لك
شوق : اقول انطمي بس اصلن سطام يموت فيها بس اكيد عندة سبب وسبب قوي بعد ... اسمعي ترى محد يدري حتى فجرماقلت لها يعني سكري فمك لما تمر الامور ع خير
غلا : بالله شوو <<يقالي اتكلم سوري شايفتني بخور السوق مع ذا الخشة
شوق : هههههههههاااى لا بس للتبية والتحذير فقط لاغير اقولك الا متى بنمشي للرياض ماتحسين تاخرنا
غلا : الا والله تاخرنا بس اسمع ابوي قبل شوي يقول لعماني بعد المغرب بنحرك كلنا للرياض
شوق : وااااااي وناااااسة وش رايك نتجمع كلنا بسيارة وحدة يعني كل وحدة تضبط وضعها مع اهلها ونختار واحد من هالشباب نروح معه
غلا : والله وجبيتها وطلع عندك مخ خخخخخخخخخ اجل بروح اكلم البنات واتفق معهم
شوق : صااااار يالله فمان الله
غلا : فمان الكريم


متعب : هاه متى متى بتمشون بالضبط
سيف : ابوي يقول بعد المغرب انشالله
متعب : على خير انشالله
سيف : الا اقول متعب متى بتعرس انت حيرتنا وحيرت العالم معك والا بتنظر لين عمي يزوج نجلا ذاك الوقت تتحسف
متعب : بالله قفل على الموضوع وبعدين اللي قايل لكم اني مابيها من ؟؟ انا مابي الا نجلا بس مأجل الموضوع اللحين
سيف : وش اللي يعوقك وانت رجال شايل نفسك موظف وعندك بيت وعندك دخل ثابت ماناقصك الا الحرمة والا بتحتري لين تصك الثلاثين شف سطام مشالله ماكمل الــ 24 وهذا هو بيتزوج
متعب : تراك صجيتنا ولجيتنا فكني من هالموضوع بالله
سيف : ماقول غير الله يعين البنت عليك
متعب : التزم الصمت وسررررح بخيااااله بعيد



تركي وهو داخل الشركة طبعا تركي له هيبة في مشيته وفي كلامة وحتى في نظرته عشان كذا كل الموظفين اللي تحت يده يهابونه
تركي وهو يوجه الكلام لسكرتير : جيب كل الملفات اللحين ومتى ماجاء بندر وعمي بو بندر عطني خبر
السكرتير سامر :حاضر استاز

سالم وهو يراقب تركي من يوم مادخل الباركنات واللي سهل على سالم المهمة انه موظف فالشركة وبواسطة من سعد ولد ابو بندر
سالم بينه وين نفسة : اذا ماطفشتك ياولد الحرااام ماكون سالم بس وين تطفش ووراك بندر مثل ظلك الايام بينا الايام بينا ياتركي


غلا وهي تكلم رشاا : لا ماعليكم انتم بس خلوكم طبيعين وانا ادبرها
رشا : شلون يعني مانقولهم ان حنا ودنا نروح بسيارة وحدة
غلا : لا يالخبلة من اليوم قاعدة افهم فيك
رشا : طيب يالذكية وش بتسوين
غلا : اللحين مو ابوي اكبر واحد في عماني كلهم
رشا : وطيب
غلا : خلاص اجل مايحتاج توضيح يالدلخة اذا صدر الامر من ابوي محد راح يتكلم فهمتييييي والا اشرح زود يالغبيه
رشا : اقول ماتلاحظين انك من اليوم تهزئيني وانا ساكته انقلعييييي لابركتن فيك
طوووووط طوووووووووط طووووط

غلا : حمدلله والشكر مريضة مريضة هالبنت شوي تجيني راضيه من غير مااراضيها
فهد : خخخخخخخخخ مهبولة انتي تحاكين روحك
غلا : مهبول انت مالت عليك
فهد : تعالي تعالي بس سولفي علي
غلا : قول شعندك بسررررررعه ماناديتي لله
فهد : اللي مستغرب منه امس كل البنات عندكم وماجيتي تبربرين علي زي عادتك
غلا : ابربر هاااه ؟ طيب يافهيدان ان سولفت معك مرة ثانيه
فهد وهو يحاول يسحبها بالكلام : هههههههاى الا تعالي صدق منهم السواريه اللي في ديرتنا
غلا : سواريه ؟؟ خخخخخخخ تستعبط مع وجهك
فهد وهو يتحمل ذبها عليه : لا والله صادق امس شفت بنتهم عندنا حتى مشاالله عليها ماخذة طبايعنا اول ماشافتني انحاشت
غلا : اقووووول بلا عبط بس
فهد وهو يطول باله اكثر عشان يوصل لمراده : امزززح معك انا ؟؟ حتى انها كانت لابسة فستان ابيض
غلاا : خخخخخخخخخ هاذي سوريه ههههههههههاى هاذي شوق الله يرجك ........ غلا وتوها تستوعب هي وش قالت اقول مالك دخل في بنات الناس
وهي تروح عنه
فهد بينه وبين نفسة : عبيييييطه من يوم يومها عبيطة قلت ماراح يجيبها لي الا غلا بس والله ماتوقعتها شوق معقووووولة احلوت لهدرجة وهو يتنهد لما مر على باله رشاا واومر ابوه آآآآآآه الله يكتب الله فيه الخير



ام عهد : افطري زين ماما زواجك بعد يومين وانتي حيل نحفاااانه
عهد بدلع رباني : مو قادرة آكل ماما شهيتي للاكل معدوووومة
ام عهد : لاااازم تصير معدومة لانك تعودتي على السوائل اجبرني نفسك عشاني ماما
عهد : ولايهمك يالغلا عشان خاطرك اسوي أي شي
ام عهد وهي تخربط شعر عهد : حبيبة قلب ماما انتي
عهد : الا صيحيح فين دادي
ام عهد : دادي عنده شغل حياتي عشان كذا ماقدر يفطر معنا


ابو عهد : فارس رجل كريم وتاااجر معروف بالسوق اهم ماعلية راحة عهد بنته ساكن بالرياض يعني مو فالديرة
ام عهد : سارة ام طيبه وحنونه والله مارزقها الا بعهد عشان كذا مدلعتها ولاترفض لها طلب هي تصير اخت ام سطام

عهد : بنت دلووووعه حيييل عمرها (20) سنه متخرجة من دبلوم للحاسب لانها ماتحب الدراسة كملت دبلووم ووقفت حبووووبه وعنيدة في نفس الوقت حلوة وغنوووجة كل مافيها ينطق ترف وغنج وانوثه



قبل الغداء 0000000

غلا وهي تطمر عند ابوها كن احد دافها : طلبتك يابوسعود
ابوسعود متروع : بسم الله الرحمن الرحيم فيتس شي انتي صاحيه
غلا : خخخخخخخخخ بس بكلمك قبل يجي فهيدان
ابوسعود : بنت عيب تكلمي عن اخوك بأدب
غلا : انشااااااالله ولايهمك يابوسعود
ابو سعود وهو يبتسم : قولي وش عندنتس والله يستر
غلا : طلبتك يابو سعود ماتردني
ابو سعود : على حسب والله انتي طلباتس مايندرى وش تكون
غلا بأسلوب مضحك : تكفى يابو سعود ترى تكفى تهز الرجاجيل قل تم
ابو سعود وهو ماسك ضحكته : تم
غلا : دامك قلت تم خلك قد كلمتك حنا الله يسلمك اذا مشينا للرياض انشالله نبي نكون بسيارة وحدة وان جت منك محدن بيعارضك
ابو سعود : انتم من ؟
غلا : انا وبنات عمي من زمان مارحنا للرياض ونبي نكون سوا ولاعليك آمر لاهنت دبسها بفهيدان جعلك الجنة
ابو سعود : والله وماطلبتي يابنت محمد ابشري انتي اللي يردتس من علميني من اللي يردتس
غلا : ياجعلك سالم يبه ياجعلك ذخر لنا انشالله
ابو سعود : الله يخليتس انتي واخوانتس لي انشالله



على وقت الغداء في بيت ابو متعب 0000

بومتعب : تجهزوا اليوم بعد صلاة المغرب نمشي على طول لاتحيرونا
ام متعب : طيب خالتي سارة وام سعود بيجون معنا
بومتعب : امي اكيد بتجي معنا وبعد صمت لمدة قصيرة قال وام سعود الله يشفيها مدري عنها
رشا : امي سوير اكيد بتجي والله ماتطوف زواج اول احفادها
ابو متعب وهو يناظر متعب : الله يوفق سطام في حياته ويرزقه على قد ماارضى والديه هذا الولد اللي يوم انه استقر في وظيفته اعرس على طول وش اللي يوخره (يأخره)
متعب في حالة صمت وجموود
سيف يحاول يغير الموضوع عشان اخوه : الا امي سوير من بتروح معه رجاااااء فكوني منها ان راحت معي قروشتني وط صوت المسجل هد السرعه والا بتبلشني بألغازها اللي ماعرفها وان ماعرفت الجواب قالت انت ياسيفوه ماتفهم
رشاا : هههههههههههههههههههههههههاااااى
ابو متعب : رشا سيف تضحكون على جدتكم وقدامي
سيف : انا ماقلت الا الصدق ماضحكت الدور والباقي على رشا

في هاللحظة يرن التلفون وينقذ رشاا لانها طمرت له على طول بس سبقها متعب وقال لها : كملي اكلك واتركي المطامر على التلفون

متعب : مرحباا
............. : ................................
متعب : الوووو
نجلا : الو
متعب : هلا والله
نجلا : ممكن اكلم رشا
متعب اول من عرفها ذابت شرايين قلبه : هلا والله نجلا يالله حيها
نجلا باقتضاب : البقى
متعب : شخبارك عساك طيبه
نجلا : الحمد لله انت شلونك
متعب : بخير دامني سمعت صوتك آآآآآآ بخير بخير
نجلا ( دامك سمعت صوتي والله دنيا غريبه ) : ممكن اكلم رشاا
متعب : ابشري من عيوني

متعب : رشاا رشاا تليفون لك
رشا تجي لمتعب : مييين
متعب بكذب : مدري وحدة من بنات عمي
رشا تاخذ منه السماعه وتستغرب من حاله تحس وهي تناظره عيونه تبتسم : اوكي

رشاا : الوو
نجلا بنبرة غريبه : هلا رشاا
رشا : هلا فيك جولي اجل طلع انتي اللي تبيني
نجلا : ايش ؟
رشا : ابد الله يسلمك بس استغربت متعب يقول مدري من ع الخط واحس عيونه تبستم اول مرة اشوف هالنظرة عليه طلع فالاخير انتي وعرفت السبب خخخخخخخ
نجلا ( ياليتك ماقلتي لي يارشاا ذريتي الملح على الجرح ) : اقول بلاكثرة بربرة وترى غلا دبرت الموضوع وقالت لابوي عن طلعتنا مع بعض في سيارة وحدة ووافق وفهودي هو اللي بيودينا
رشاا بصدمة : قولي قسسسسسسم انتي واختك بس والله مااركب مع فهودك ذا لو شو يصير
نجلا : ههههههههاااى شفيك يابنت كل ذا مستحى ماعليك فهودي ماياكل والله
رشاا : استحييي منهو اللي يستحي بسس ترى اخوك هذا ماطييييقة ولو اركب مع متعب اللي على الصامت اغلب الوقت ماركبت معه
نجلا ( ليه بس تجيبين طاريه ) : ههههههههههههههههااااى مامن محبة الا بعد عداوه اخلصي بس وخذي خبر ان كل البنات متفقات على فهد يالله مع السلامة
رشاا : الله لايسلم العدووو




على العصر الاخوان متجتمعين عند ابو سعود 0000

ابو متعب : ماقلت لي يابوسعود بتاخذ ام سعود معنا
ابو سعود بتنهيده تخفف وجع السنين : اكيد باخذها بخليها لمن وكود بعد نمر بها على مطوع والا دكتور زين
الجدة : ايه والله تكفى ياولدي حالها هذا ماهو حال والله ان قلبي يتفتت داخل ضلوعي عليها كل ماشفتها ماغير تناظرنا وساكته لا كلمة ولا علمه
ابو سطام : ونعم الراي وانا اعرف دكتور شاطر فالرياض ماقد احد راح له ورجع خايب بعد اذن الله
ابو سعود : الله يكتب اللي فيه الخير انشالله


سيف : اقول فهيدان بنمشي بسيارة وحدة صح
فهد : لا كل واحد ياخذ سيارته للاحتياط تعرف مشاوير الحريم لاصار فيه عرس ..... فهد وهو يلتفت على سطام اللي ساكت على غير العادة : وش فيك ياعريييس بيعنا بالسوق وانا اخوك
سطام وهو يغتصب الابتسامة : ابد الله يسلمك افكر بتجهيزات العرس
متعب : هونها وتهون بغمضة عين بتلقى انك خالص ومرتاح
سيف : ايه والله يمر الوقت بسرررعه
متعب : على العموم ع البركة
سطام بابتسامة : الفال لك يالعانس خخخخخخخخخ
متعب باقتضاب : الله يكتب اللي فيه الخير وبعدين عانس بعينك يالدلخ
سيف وهو يغير الموضوع وكله عشان خاطر فهد : ماقول الله يعينا على الكرررف لعيون حضرة الضابط سطام
فهد : يوووووه صادق الله يعينا لا وزيد عليها مشاوير الحريم اللي ماتخلص
سيف وهو يضحك بنذاااله : واللي يسوي فيهم مقلب ماكلوه بحياتهم كلها ليكرهون المشاغل والاعراس وكل شي
متعب : لا سيفوه اعقل حرام عليك تسوي فيهم مقلب وقت زواج لو انهم يسوقون ماطقولك خبر ترى
فهد : معصيييييي يسوقون هذا اللي ناقص
سطام : اجل اخدمهم وودهم وجيبهم وانت ساكت ههههههههههه


ام بندر : بندر يمة تركي ورى ماجاء اليوم على الغداء واللحين حزة العصر وهو مابعد جاء
بندر : مدري عنه والله حاولت فيه يجي بس يقول مشغول ومرات يقول معزوم
ابو بندر: بندر وانا ابوك عجل على عمال الملحق يخلصون بسرعه الرجال من سكن عندنا داخل البيت وهو يطلع من الصباح ولايرجع الا وقت النوم
سعد باستهزاء : ايه مشالله عليه محترم
بندر ماعجبه اسلوب سعد : ايه تركي مشالله عليه رجال ماتطلع منه العيبه
نجود وهي تساسر العنود : مو قلت لك سعد حقوووود مرة وغيور شفتي كيف طريقته بالكلام عن تركي
العنود بنفس المساسر : ايه وشفتي ان انتي ياتقزين ياتحشين ماتقدرين تمسكين لسانك عن الحش في خلق الله حتى اخوك ماسلم منك
نجود : ماقول غير الشرهه على اللي يعطيك وجهه
ام بندر : على وشو تساسرون سمعونا
نجود : لا ابد يمة بس اقولها تشرحلي مادة مافهمتها
ام بندر : وماينفع الشرح الا بالمساسر
العنود وهي تقوم تصب قهوة :تستاهلين
نجود تناظر فيها بحقد
وكملوا سوالفهم اللي اكييد ماتطلع عن سوالف بندر وابو بندر عن الشغل وكذلك تناقض العنود ونجود الدائم



تركي وهو يتكلم بالتلفون : يارجال لي سنتين ولاحس ولاخبر ولاحتى طرف ممكن استند عليه
حمد : والله ياتركي دخت وانا احوس ودي اعرف اليوم قبل بكرة بس مثلك عارف مو كل الصلاحيات تحت يدي
تركي : آآآآآآه ياحمد تعبتك معي واجد والله مدري وشلون تحملتني هالسنتين
حمد : آفا ياتركي هذا كلامك لاخوك والله اني ودي اخدمك بعيوني بس ماقول غير اللي صبرك هالسنين كلها يصبرك اللي اقل منها راح الكثير ومابقى الا القليل
تركي : وش بنسوي اكثر من اللي سويناه
حمد : اللي سويناه قبل مايجي شي قدام اللي بسويه قبل كنت توني متوظف بس اللحين لااا لي علاقاتي مع الباقين وبعد انشالله بوصل لاكبر مسؤل وبخليه يساعدنا
تركي : ماقول غير الله يقدرني وارد لك جميل عمري اللي بموووت وانا مانسيته
حمد : تروووك اسمحلي انا بنسحب من الموضوع
تركي : افا وليه طيب توك كنت متحمس
حمد : اللي بخليني اسحب يدي كلامك ذا اللي ماله معنى واعرف ياتركي ان موضوعك مثل مايهمك يهمني انا واكثر بعد والله اني ماراح ارتاح بنومي الا لما اوصل لطرف بس
تركي : الله يكتب اللي فيه خير

نجود وهي تكلم صديقتها : واخبارك بعد ؟
نواره : تمام الا اقولك شفتي شلون سهى اليوم تقزك عند الكافتريا قز مو طبيعي
نجود : ايوه شايفتها ومطنشتها هي وحركات المراهقين هاذي
نواره : يابنت عطيها وجه شويه يعني مثلا تمشي معها بس
نجود : لا والله مابقى الا اتمشى مع هالاشكال
نواره : انتي حرررره المعجبات حولك زي النمل وانتي منتي معبرة احد
نجود : ههههههههاااى الثقل صنعه
نواره : خلي ثقلك ينفعك انا اتمنى وحدة بس
نجود : هههههههه خلاص احولهم لك
نواره : هه ههههه ههه بايخه

على المغرب 0000
الجده : يالله يافهد تراني خلصت
فهد وهو يضحك : والله انك متحمسة يايمه اكثر من البنات
الجده : وش يفرقني انا على البنات الا بستانس وبرقص هذا سطام الغالي اللي طلع ابرك منكم ومن هالخبل متعب
فهد : افرحي يايمه افرحي بس شكلتس غايرتن من العروس بس ولايهمتس ابشري باللي اول مايطب الرياض يدور لتس معرس
الجدة : تهبىىىى ياولد محمد استححح على وجهك انا تبيني اعرررس
فهد : اخسسسس يمه وتستحين بعد
الجدة وهي تضربه بعصاها : اها بس مناك عني
فهد يضحك على سوالف جدته ويروح يرتب الاغراض بالسيارة


مكان ماكل السيارات موجودة 0000

تجي فجر وتقول : بننات انا مو رايحه معكم
رشاا : وليه انشاالله على راسك ريشه
فجر : لا والله مستحيه قسسسسم بروح مع اهلي احسن لي
شوق : قلعتك يااختي المصون بس ترى احنا اللي بنستانس
فجر : والا شكلي بروح مع جدتي احسن توسع صدري بالطريق
غلا : خلاص روحي لها واذا وصلنا بالله علميني بالالغاز اللي قالتها ههههههههههههااااى
البنات : ههههههههههههههههههههههههه
فجر : انشالله تطيح وجيهكم ومحد يرضى لكم تروحون
غلا : لا ياحبيبتي دام فيها غلا بنت محمد خلااااص الموضوع خالص
فجر تتحلطم وتروح
نجلا ملتزمة الصمت وتراقب متعب من بعيد لبعيد ومتعب حاس بنظراتها ويداعبه شعوووور حلووو وهو يشوفها مهتمه فيه

الجدة : تعال يالسيف
سيف : واالله من قالت يالسيف وانا داري انها بتقول بروح معك
سيف : سمي يمه جايك
فهد : سيف روح والئلب داعيلك
سيف وهو يمشي : مالت عليك وعلى ئلبك خله لك
الجدة : وين سيارتك ياسيف
سيف : ليه يمه
الجدة : وش اللي ليه بركبها تراي خويتك بالطريق خابرتك تغفل وانت تسوق بروح معك كود انك تنعس
سيف بخيبه امل كبيره باينه على ملامحه : ابشري يام محمد
سطاام : هاه بشرنا سبع والا ضبع
سيف : ماقول غير الله يبلشك انت وعرسك
متعب : ههههههههههااااى تعيش وتاكل غيرها


عند البنات 00000

نجلا قلبها الصغير ذاب بوسط ضلوعها من سمعت ضحكته
رشا : خلاص بئى عديتي رموش الولد بعد وانتي تقزين خخخخخخ
شوق : نجلا ارحمي عيونك هههههههااااى
نجلا : شالت عيونها عن متعب وسفهت البنات

ابو سطام : فجر يابوتس روحي مع امتس سوير كود ان السكر يرتفع عندها والا شي وانتس معها
فجر : انشالله يبه
فجر وهي تروح لجدتها : يمه تعالي هنا هاذي مو سيارة سطام
الجدة : ومن قال انا ابغى سيارة سطام انا بروح مع ولدي السيف
فجر برجاء : بس ياجدتي انا بروح معك تكفين خل نروح مع سطام سيف استحي منه
الجدة : وش هالمذهب ولد عمتس وش تستحين منه وانا امتس
وباجبار من الجده راحت فجر معها


ابو سعود : يالله انا معي ام سعود وانت يابو متعب معك اهلك وانت بعد يابو سطام معك اهلك وسيف ياخذ امي وفجر وانت يافهد اسمعني تاخذ البنات معك
فهد وبانت اكبر علامة صدددددمة على وجهه : وشو انا اخذ كل البنات الله يحييك مكلفن فيهن انا
ابو سعود : بتاخذهن وانت راضي انشالله يالله اركبوا لاتوخرونا ( لا تاخرونا )

سيف وهو ميت ضحك على فهد : هاه يافهد امي سوير والا البنات ههههههههههههه
فهد وهو يناظر البنات كيف متجمعات يقول في خاطرة وطابختها بعد واكيد محد قال خل فهد هو اللي يوديهن الا غلا بس شوفوا وش بسوي فيكم

ركبوا كلهم سيارتهم والبنات مع فهد بدون اعتراض منه او من اهلهم لان ابوسعود اصدر الحكم خلاص

لما سيف ركب سيارته اتفاجئ بالبنت اللي ورى بس سكت
سيف : يالله حييييي ام محمد
الجده : البقى
سيف : وعلومتس يايمة
الجده : الحمدلله يمك بخير وسهاله
سيف : ياجعله دوووم
الجدة : سيفوه وش هالمذهب ماترد السلام على بنت عمك
سيف وهو مرتبك : هلا هلا بنت العم اخبارك
فجر بصوت بالكاد ينسمع : بخير
الجده وهي معجبتها فجر مررررة : ايه هاذي بنت عمك فجر زينه البنات وقبلتهم مهوب مثل خواتك وبنات عمك الباقيات
فجر ( يرحم والديك يمه اسكتي )

سيف بابتسامة جانبيه: ونعم يمة دام انتس شهدتي لها ....وبعدها التزم الصمت


عند فهد 000
اول ماركب السيارة مالقى احد معه قدام وكل البنات ورى نجلا – غلا – رشا – شوق
فهد : احلفن بالله .... وانا السواق انشالله اللي بوديكن يوم انكن كلكن ورى
نجلا : فهووودي نبي نستانس صعبه وحدة تجي قدام
فهد : اقول تعالي اركبي قدام بس
نجلا توهقت : لا فهد الله يخليك نبي نلعب اونو ورى
فهد وجت له الفرررصة ينتقم من غلا : لعيونك يانجول كم عندي نجلا انا بس الغلا كله غلا بتركب قدام وهي راضيه يالله ياست غلا
غلا بانصياع تروح تركب قدام لانها عرفت ان فهد كشف خطتها وان ابوها مادبسة الا من ورى راسها
فهد : يالله اللحين كيفكون ياصبايا
شوق على طول تذكرت لما كانت واقفه قدام المرايه وفهد شافها قالت بصوت خجول : الحمدلله
رشاا بدون نفس : طيبين
فهد بينه وبين نفسه هاذي اكيد شوق انا اعرف صوتها فديتها هي وصوتها .. الحمدلله مو مثل هاذيك عافانا الله كنها مغصوبه طيبين


ومشت جميع السيارت بامان الله


ابو عهد وهو يتكلم بالجوال : االله يبارك بعمرك والفال لعيالك انشالله
ابو بندر : الله يسلمك يابو عهد
ابو عهد : بس تراكم منتم معذروين انت وعيالك وتركي ملزومين تحضرون
ابو بندر : اذا ماحضرنا زواج بنتك الغاليه اجل من بنحضر زواجه
ابو عهد : الله يسلمك يابو بندر
ابو بندر : عقبال ماتشوف عيال عيالها نشالله يالله تامرني شي يابوعهد
ابو عهد : سلامة راسك يالغالي
ابو بندر: فمان الله
ابو عهد : فمان الكريم


عند متعب 0000

اول ماطلعوا على الشارع العام عصفت الذكرى بمتعب وانهكت قواة شاف المكان اللي صدموا فيه شاف سعود وهو يحاول يتماسك شاف الشاحنة وهي تصدمهم هنا شاف ضحك سعود قبل الحادث هنا شاف كل شي مر عليه كل شي مثل شريط فيديو وقاعد يعيده
خلااااااااص هنا وبس وصل قمة الالم قمة المعاناة وصل اللوعه والعذاب وصل التعذيب النفسي وتأنيب الضمير اللي ملازمة طول هالعشر سنين وبدى الشيطان يوسوس له لو اني ماتحديته مارحنا لو اني ماقلت له جيب المفتاح ماصدمنا لو اني او اني ولو اني تعوذ من الشيطان الرجيم وهو يتحسس الندبه اللي فجبينه اللي راح تذكرة باللي راح مهما حاول نسيانه رفض كل عمليات التجميل كله عشان ماينسى سعود وتبقى هالندبة بمثابه المنبه اللي ينبهه كل ماحاول ينسى والا يسلى عن سعود رفيق الدرب



سعود : متعب بالله قلي منهي اللي تحبها ترني اعرفها بس انت قول
متعب وهو يصرف : امش بس امش نلعب كورة
سعود : حلوة التصريفه بس ماراح تفلت مني هالمرة انا مصّر
متعب : ساكت وهو يحوس بالتراب بعود صغير
سعود : شوف يامتعب تراني اعرفها واذا كبرنا انا اللي بخطبك لها تدري ليه
متعب : ليه
سعود : لانك اعز اصدقائي بعدين وين بلقى لاختي رجال احسن منك
متعب وهو يضحك بحرج بعض الشي من سعود لانه كاشفه : الله يسلمك ياسعود وهاه ترى انا اللي بخطبلك بعد بس انت حدد منهي وانا اروح معك
سعود : اكيد بس هاااه ترى والله ماتتزوج اختي لين تخليني انا اللي ازفها لك
متعب وهو يطق على صدرة : وعد محدن يزفها غيرك لي
سعود : وعد شرف
متعب : وعد شرف


وينك ياسعود طالت المدة وانت مازفيت اختك لي طال الانتظار وانا اصبر ومل مني الصبر طال الشقى ياترى وين انت ياسعود هنا والا بالرياض والا مكه والا جدة ولا وين بالضبط تعبت وانا اسال وادرو اااااااه ياصعب فراقك ياسعود ياشينها العشر سنين اللي فاتت ياشينها ياسعود

وهم يمرون من قريه على طريق الرياض
ماباقي لي الا هالقريه مادخلتها ودورت وسئلت في ملفاتها مدري وش يردني مادورك فيها كل ماجيت ادخلها ياسعود تطلع لي العوايق والا يردني شي املي الوحيد ان محد لقى جثتك الى الان ويمكن لو تكون ميت لاسمح الله ارتاح من عذاب الانتظار بس الاكيد اني ماراح ارتاح من عذاب الضمير


ابو بندر وهو يوجه الكلام لبندر وسعد وتركي وهم بالديوانيه : ترى ابو عهد ملززززم تحضرون عرس بنته وعدكم واحد واحد
بندر: يستاهل ابو عهد ان مالبينا له من نلبي له
تركي : ايه والله ان ماتعنينا لابو عهد اجل من نتعنى له
سعد : الا بنته من بتاخذ ؟
ابو بندر : بتاخذ سطام ولد عبدالله الـ......
بندر: ونعمممم والله فيهم هذا سطام الضابط معروف مشالله صيته طيب ويقولون مايدخل بقضيه الا يحلها
ابو بندر: ايه مشالله ابو عهد طيب واصيل ومناسب ناسن طيبين


عند فهد بالسيارة 0000
البنات يلعبون اونو وغلا تتحسر على عمرها وانها طاحت بين يدين فهد عشان ينتقم منها كل مالفت بتلعب معهم من مكانها قال لاتقعدين تطامرين قروشتيني

شوق تحمست باللعبه وبصوت عذب : لا غشااااااشه رشااا بطلت مابي العب
رشا وهي تضحك وتطقها : بس قصري حسك فضحتينا بالولد
شوق وهي تحط يدها على فمها وتهمس : خلاص بطلت مابي العب يالغشاشه
فهد ( لبى الناس البرئيه والله جننتي هالبنت مثلها ماشفت ودي اشوفها وهي تتكلم شلون بتطلع ): اقول انتي وياها بطلوا لعب ترى اذيتوني

طبعا طول الوقت شوق تسرق النظرات لفهد وفهد كذلك بس شوق كل شوي تناظر رشاا وتحلف بينها وبين نفسها ماعاد تناظر فهد مرة ثانيه بس مع ذلك تدور عيونها غصب وتطيح على فهد

فهد : ترى اللحين بنوقف عند المحطة تبون شي اكتبوا معروضكم المعروف دايم في ورقة والله يعينا عليكم
غلا طمرت وقعدت تكتب شي ماله اول من اخر كنها في مجاااعه


لما وصلوا المحطة نزل فهد شوق على طول دقت على سطام لانها قد ماتقدر تبي تبعد عن فهد لعيون رشا ولانها تحبها ولاتبي تخونها حتى بالنظر: سطام الله يخليك تعال اخذني بروح معك
سطام تروع : شوق فيك شي فهد سوالك شي
شوق ( اااه بس يافهد ): لا ماسوى لي شي بس مابي اقعد عند البنات غشاشات
سطام : وكل هالدوشة عشان غش انثبري مكانك بس
شوق : سطام والله لو ماتجي لانزل بنفسي واجيك
سطام : اقول اقعدي مكانك بس جايك انا اللحين اعرفك تسوينها

راح سطام واخذ شوق

لما رجع فهد استغرب وين راحت شوق : ماكنكم ناقصين وين باقيكم
غلا : االا ناقصين الست شوق دقت على سطام وجاء اخذها
فهد ( يووووه وليه طيب السيارة ولاشي بدونها ) : وليش انشالله
نجلا وهي تضحك : ابد على قولتها وهي تقلد شوق مابي اقعد عند البنات
غشاشات ههههههههه
فهد التزم الصمت وعلى شفاته طيف ابتسامة

وصلوا كل السيارت بامان الله لرياض وكلن راح لبيت العائلة الكبير واللي دائما مايجون فيه اذا كانوا بالرياض 000


اليوم المشهود يوم الزواج 0000
البنات فالمشغل وهم خالصين على الاخر بس ينتظرون احد ياخذهم
غلا : يااااربي تاخروا
شوق : ايه والله تاخروا عاد انا ابي اروح لعهد
رشاا : يالله هذا هو متعب جاء ياخذنا
نجلا بربكة : لا انا باقي ماخلصت
فجر : اقول بلا دلع انتي خالصة وبدون مستحى ترى متعب ماراح ياكلك
نجلا سكتت ومابان على ملامحها شي
ركبوا كلهم السيارة رشا قدام وباقي البنات انضغطوا ورى نجلا –فجر – شوق – غلا
نجلا وهي تناظرة لبى العيون بس ليه تعذبني كذا دامك ماتبيني قول معلقني ليه لو اقدر يامتعب ادخل داخل قلبك وعقلك كان فهمت ااااه ودي بيوم اتهور واسالك بس ماهي بنت محمد اللي تقط نفسها على احد وان جيتني انا اللي بردك لو شو بيصير


وصلوا القاااعه 00
رشاا : لابسة فستان اووف وايت رايق عليها ومسويه شعرها ويفي طالع خيااااال مع روج وردي حيوي
غلا : قمة على قمة لابسة فستان ارتكواز فاتحة شعرها على طوله ومستشورته طبعا شعرها لاااخر ظهرها هي الوحيده اللي ماتمشي خطوة الا الكل يناظرها جمالها حااااد جدا
نجلا : مسويه كحل اسود ثقيل ومع عيونها العسليه وبشرتها السمرا طالعه عذاااب وصابغه شعرها بني فاتح لابسه فستان ذهبي
شوق : لابسة فستان توتي خطييييير على بشرتها البيضا وملامحها الشاميه وصابغه اطراف شعرها بس غجري غامق وقاصة شعرها على طوله ومسويته رولات
فجر : لابسة فستان سماوي حرير هادي بتفاصيله مثل هدوء شخصيتها مسويه حركة بسيطة بشعرها وتاركه الباقي مفتوح
عند الرجال 00
المجاملات على قدم وساق بما ان سطام رجل معروف وكذلك ابو عهد
سطام ترتسم على محياه ابسامه هاديه بس اللي يعرف سطام عن قرب يقول مو هاذي ابتسامته اللي من قلب
متعب يجي لسطام : سطام والله ان فيك شي انا شاك من زمان ومن شفت وجهك اليوم تاكدت
سطام : مافيني الا العافيه يارجال انت مكبر الموضوع كله ارتباك وبس
متعب : انت مشيتها على غيري بس علي ياسطام ماتمشي انا اعرفك اكثر من نفسك بس بمشي الليله على خير وبعدين لي معك كلااااام
سطام بينه وبين نفسه الله يعيني عليك انت وتحليلاتك وحنتك علي


عند الحريم 0000
اما عند الحريم فالمجاملات والاستعراض والرقص كلها واقفه على قدم وساق والبنات ملفتات نظر الجمييييع وخص نص غلاا

رشا : ياخي شوفي بنات عم بنت خالتك كنهم يشوفون الناس حشرات
شوق : ايه والله صادقة هم طبعهم كذا من عرفناهم بس على مدري ايش على الجمال والا على استغفر الله بس
رشا : على جيب ابوهم وانتي الصادقه بس ماقول غير ياصبر الارض عليهم


ابو بندر : خلاص انا وسعد بناخذ امك والبنات ونسبقكم ومتى ماخلصتوا الحقونا بس لا تتاخرون
بندر وتركي : انشالله
سعد بينه وبين نفسه وهذا حتى بالمناسبات حاشر نفسه معنا ولا الوالد مايقصر بعد ماباقي الا يجي اليوم ويقول الوالد للناس ترى تركي ولدي وماستبعدها عليه بعد

ام بندر والعنود ونجود وهم يدخلون القاعه 000
نجود : وناسة من زمان ماحضرت زواج ولا بعد بشوف كيف شكل الدلوعه عهد بيطلع
العنود : ماقول غير الله يعنيك على لسانك اذا شفتي عهد عز الله ماباقي عليها ذنب غير بتشيلينه عنها
وتجي ام سطام وهي تهلي وترحب : هلاا والله حي من جانا
ام بندر الله يحييك
وهي تسلم عليهم وام بندر تعرف بنفسها : احنا اهل ابو بندر صديق ابو عهد
ام سطام : ياهلا ومرحبا وانا ام العريس واخت ام عهد
ام بندر: ونعممم مبروووك انشالله منه المال ومنها العيال
ام سطام : الله يبارك فيك ويسلمك

دخلوا الا نجود تلمح غلا ورشا مع بعض
نجودوهي تطق العنود مع يدها : عنوده عنود شوفي هاذي اللي لابسه ارتكواز يالله كني جايبه تركي وحاطته قدامي بس على بنت
العنود : ايه والله صادقة سبحان الله يخلق من الشبه اربعين
نجود : اوب اوب اوب ويمكن يكونون اهله
العنود : بالله تعطين مخك فرصه وتتركين حركات الافلام هاذي

قبل وقت الزفه بشوي 000

عهد : ماما حيييييل مرتبكة اخاف اطيح او اتعثر خلاص ماما مابي اتزوج
ام عهد : عهد حبيبتي لعب عيال هو خوذي اشربي عصير الليمون وانتي حتروقي واقري الاذكاروالمعوذات قبل ماتنزلي خلاص ماما
عهد بتوتر : حاضر ماما


بدأت الزفه وطلت عهد عليهم كااانت آيه بالجمال سبحان من صورها كانت كلها تنطق ترف وانوثه
لابسة فستان ابيض نافش حيل وصابغه شعرها اشقر مثل شعر الاجنبيات بالضبط وحاطة بس كحل اسودعلى العين ووماسكارا كثيييييفه وعدسات رمادي واضاءة على عيونها يعني لمعه فضيه خفيفه ومكتفيه انها تحط روح احمر جرييييئ والاكسسوار اكتفت بساعه حمراء ماركة عالميه طالعه قمة فالرقه كل مافيها صغير فمها وخشمها ووجها ماعدا عيونها واسعه
وهي تمشي اللي يشوف شكلها يقول من وين جايبه كل الثقه وهي تمشي تبتسم يمين ويسار ومن داخلها التوتر والقلق شغال
ولكل يذكر الله ويسمي واللي يدور عيوب واللي يقول يوم زواجها وماسوت ميك أب صارخ واللي يمدح واللي يذم الناس اجناس

عند الرجال 000
ابو بندر معصب : وينك انت وتركي الرجال شوي وبينزف وانتم ماجيتوا
بندر يحاول يهدي ابوه : جايين والله بالطريق جاييين


بعد ربع ساعه 000
بندر يوقف قدام باب القاعه بالضبط
و

و
و

الرجوع الى أعلى الصفحة اذهب الى الأسفل
مستحيل أنساك
مشرفة المنتدى الإسلامي
مشرفة المنتدى الإسلامي
avatar

الانتساب : 06/07/2011
عدد النقاط : 4326
المشاركات : 1274

مُساهمةموضوع: رد: لافارقك خلن توده وتغليه اصبر ولابد الليالي تجيبه كامله    الأربعاء يونيو 20, 2012 9:02 am

ابدعت في الطرح
يعطيك العافية
وتقبلي ودي واحترامي
الرجوع الى أعلى الصفحة اذهب الى الأسفل
الوفاء طبعي
عضو ذهبي
عضو ذهبي
avatar

الانتساب : 27/01/2012
عدد النقاط : 2918
المشاركات : 596

مُساهمةموضوع: رد: لافارقك خلن توده وتغليه اصبر ولابد الليالي تجيبه كامله    الخميس سبتمبر 06, 2012 11:17 pm

رروعه اخوي
تسلم الانامل
الرجوع الى أعلى الصفحة اذهب الى الأسفل
مجنون نوم
سمو نشيط
سمو نشيط


الانتساب : 16/04/2012
عدد النقاط : 2249
المشاركات : 172

مُساهمةموضوع: رد: لافارقك خلن توده وتغليه اصبر ولابد الليالي تجيبه كامله    الجمعة سبتمبر 07, 2012 7:14 am

راقت لي
يسلمووو
الرجوع الى أعلى الصفحة اذهب الى الأسفل
الدبابهـ البشريهــ
مشرف المنتدى الرياضي
مشرف المنتدى الرياضي
avatar

الانتساب : 20/12/2011
عدد النقاط : 3013
المشاركات : 391

مُساهمةموضوع: رد: لافارقك خلن توده وتغليه اصبر ولابد الليالي تجيبه كامله    السبت سبتمبر 15, 2012 7:19 pm

يعطيك العافيه
راقت لي
الرجوع الى أعلى الصفحة اذهب الى الأسفل
آلرآقيهہٌ -
سمو نشيط
سمو نشيط
avatar

الانتساب : 25/09/2012
عدد النقاط : 2040
المشاركات : 130
مزاجي : رايقه

مُساهمةموضوع: رد: لافارقك خلن توده وتغليه اصبر ولابد الليالي تجيبه كامله    السبت سبتمبر 29, 2012 9:20 pm

راقت لي
يعطيك العافيه
الرجوع الى أعلى الصفحة اذهب الى الأسفل
ام عبدالرحمن
سمو نشيط
سمو نشيط


الانتساب : 14/11/2012
عدد النقاط : 2125
المشاركات : 224

مُساهمةموضوع: رد: لافارقك خلن توده وتغليه اصبر ولابد الليالي تجيبه كامله    الأربعاء ديسمبر 12, 2012 7:32 pm

راقت لي
يعطيك العافيه
الرجوع الى أعلى الصفحة اذهب الى الأسفل
حنين
سمو نشيط
سمو نشيط


الانتساب : 10/06/2012
عدد النقاط : 2549
المشاركات : 348

مُساهمةموضوع: رد: لافارقك خلن توده وتغليه اصبر ولابد الليالي تجيبه كامله    الخميس يونيو 06, 2013 11:04 pm

يعطيك العافيه
الرجوع الى أعلى الصفحة اذهب الى الأسفل
 
لافارقك خلن توده وتغليه اصبر ولابد الليالي تجيبه كامله
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سمو الروح ro7yup :: سمو المنتدى الأدبي :: سمو القصص والروايات-
انتقل الى: