سجل حضورك باسم شاعر مفضل لديك ..

يعطيكـ العافيه
اسجل بشاعر
خلف بن هذال
لا خلا ولا عدم

سلمت اناملك الذهبيه على ماخطته لنا
اعذب التحايا لك
لكـ خالص احترامي

نسيت
الشاعر سعد علوش


قله إني ما ابي الا رضاهـ .. وبإختصار ..
وقله يركز على قراية البيت الأخير ..
الكبير .. تجي جروحه من أحبابه .. كبار !
ليت ربي ما خلقني من أحاسيسي [ كبير

اعجبتني هالابيات وحبيت انقلها لكم
الله ولا الهاجس اللي مايريحني .....أسهر عيوني وعناني وعنيته
أحاول اخفيه من الحزن يفضحني .....متمركزن بالحشا كن الحشا بيته
ياللي تعاتب غموضي لاتوضحلي ..... ماباقي فالخفوق الا تناهييته
أصافح الهم قبل أنه يصافحني ..... وأحب خشمه وأردد بالخفا ليته
ليته قبل لاتزل خطاي ينصحني ..... ولا يريح خفوقي من عفاريته
الغالي اللي عليه الشوق ذابحني .....أقفى به الوقت لاجاني ولاجيته
ياسيد الغيد قبل لا أقولك بحني .....بخبرك عن كلامن عنك خفيته
تدري وش أكبر خطاي الله يسامحني .....قفايتي عنك وأنت اللي تمنيته
وهذا هو اللي معذبني وجارحني .....أقول أبي أنساه وأنا مانسيته


أتمنى أنها تكون اعجبتكم مثل ما أعجبتني ................. ودمتم
يعطيكـ العافيه
انتظر جديدكـ

اسجل ب
الشاعر سامى الحارثي

. نادت علينا بنت الأجواد نادت
نادت وهي تبكي وتشكي علينا
قالت سلوم الناس والناس بادت
ولحدآ ترى يرحم ويعطف يبينا
يسلمووو ياعسسسل

؛
؛





(صلحــلنـا الشـــاي)



الشاعر فيصل اليامي

















بالله في قيامك تصلح لنا شاي



عندي صداع براسي و ودي أنهيه



بعض البشر قام يتمادى وهو بقفاي



ويفكر إني ساكت وخايف اجيه



لاتظنهم بعداي لا ماهم بعداي



اللي أقل مني أنا ما أجاريه



واللي يشك بنفسه أوقف له إزاي



و هذاك بس ادعيله الله يشافيه



يعني عشان أمر دي كاي ان واي



يصير بالساحه مشاكل وتشويه



يوم ان غيري قال يا مامي وياي



أرفع كلامي من الدنايا وأنقيه



أنا انا فيصل وللعز مبداي



عصبت راسي أو تكشخت ويش فيه



بعيش في الدنيا بكيفي وبرضاي



وبسوي أية شي ودي أسويه



مدامني امشي وأنا حاس بخطاي



اللي يحسدني ليه بسمع تقفيه



هذاك واطي مايعرف مستوى الهاي



وبيحترم نفسه قبل لا اوريه



لاني نسيم ولاني محمد كلاي



بس احترامي فارضه قبل يوحيه



مخابري طيبي وفعلي ومسعاي



للمجد والناموس والطيب شاريه



مظاهري ماعدها يوم مركاي



انا ارتكي للعز دايم وأخاويه



من لابةٍ قالوا الرأي خذ راي



يام العريبه لاتقل كيف او ليه



كبيرنا يسبقه ذكره وهو جاي



وصغيرنا فعله من الصغر يبديه



هم طب سقمي وقربهم غاية دواي



هم عزوتي لا قلت من بعتزي فيه



معقوله ازعلهم وهم دوم وياي



لو يزعل أصغرهم لاجيله واراضيه



ويش يفرق الزمار عن عازف الناي



هذاك يزعجنا وهذا نغنيه



بسري وخل القز يطبخ لك الشاي



امزح معك لاني مصدع ولا ابيه

حامد زيـــد



الجمهره ,,,,
مشكلتي إني ماعرفت أحسب لصدتهم حساب ** قلطتهم صدري علـى ذكـري قصيـد وحنجـره
صوت ٍ يصول بمنبره واخطاب مامثله خطاب ** والطيبه اللي زعزعت صوت الخطيب ومنبـره
مافيه دمع ٍ صوبوه أحبابي بوجهي وخـاب ** ولازرق حزنـي علـى غالـي ولافـج انحـره
كل الزهاب اللي معي ذكرى من أصحاب الزهاب ** واللي بقالي من عذاب اشرس طريقي وأخطره
لأني تجنبت الغرق.. عديت من فوق السحاب ** لأن أكثر أصحابي ورق..ماشفت للطيـب إثمـره
والله ماحطيت بين الحقد والخوه حجاب ** حتى غدوا ربعـي يحدونـي علـى الضيـق أشكـره
أثر المصايب ماتجيك إلا من الناس القراب ** وبهالزمن حتى الخـوي اللـي تثـق فيـه أحـذره
لابارك الله في رفيـق ٍ تزعلـه كلمـة عتـاب ** ولاجمـع الله الرجـال اللـي تفرقهـم مـره
الصاحب اللي مايجي من صحبته غير العذاب ** نذر ٍ علي إن ماهجرني وإلا أنا اللـي بأهجـره
من يفتح لفرقـاي بـاب أفـك لـه عشريـن بـاب ** وأذا خويـي مايقـدر خوتـي ماأقـدره

عقب أكتئاب البارحه ماعاد انا حمل إكتئاب ** الطيب جرجرني وانـا مانـي بناقـص جرجـره
اللي يخاف من الظما يترك لنا طرد السراب ** واللي ماهـو بقـد الظـلام ووحشتـه لايسهـره
انا تجرعت الظما لين أحترق وجهي وذاب ** انـا كسـرت بخاطـري قبـل الصداقـه تكسـره
انا أكثر (أنسان) تعلم من كثر ماأخطأ وصاب ** انا أخر (لسـان) يتكلـم فـي زمـان الثرثـره
جفني وجرّحه السهر ، حيلي وهدّت الصعاب ** دمعي هدر،ضحكي ندر،عمري وضيعت أكثـره
شيبت بعقول العرب..هيبت روس ٍ ماتهاب ** جمهـرت نـاس ٍ عمرهـم مايعرفـون الجمهـره
ماصرت ذيب إلا لأن اللي تحدوني ذيـاب ** مـا كنـت أغيـب إلا لأن العفـو عنـد المقـدره
ترى حلاتك لاحملت لصاحبـك كلمـة عتـاب ** أن مانطقـت بهـا بوجهـه ماتذمـه بظهـره
ودك اليامن جاتك الغلطه من الناس القـراب ** الصاحـب اللـي ماكسبـت محبتـه ماتخسـره

يعطيكي العافيه
ناصر القحطاني

الله اللي راد والعقده قضاها اللي عقدهــا

لا على الدنيا السلام ولا لباقي العمر زينه

الفضا ما كنه الى خيمة طاحت عمدهــا

والفرح ما كنه الى شيخ انقصت يدينه

والعمر قطعة زجاج انكسرت ولا طال امدهــا

والعرب في العيد بدموع اليتامى مستهينه

والشوارع لفها ثوب الظلام اللي هجدهــا

والبيوت اطلال من عقب المحبه والسكينه

والشتا والليل والبرد والسما يصرخ رعدهــا

والعيون اللي ورا الشباك مذعوره حزينه

طولوا في الكهف الأصحاب وبقت روحي وحدهــا

كنها في كوكب ثاني خلا من ساكنينه

الوداع اللي بعلم العين يعبر من رمدهــا

والوداع اللي بلا علم القفا الصدري غبينه

والوداع اللي بلا رجعه عليّ أمر وأدهــا

والله انه غرغرة سم وسكاكين سنينه